കൊല്ലം: എന്‍ജിനിയറിങ് എന്‍ട്രന്‍സില്‍ രണ്ടാം റാങ്ക് നേടി ശബരികൃഷ്ണ നാടിന്റെ അഭിമാനമായി. അഞ്ചാലുംമൂട് പോസ്റ്റാഫിസിന് സമീപം ശ്രീ ശബരീശത്തില്‍ മധു ജി. ഉണ്ണിത്താന്റെയും സ്വപ്നയുടെയും മകനാണ് ശബരീകൃഷ്ണ.
അഞ്ചാം റാങ്കിനടുത്തുവരെ പ്രതീക്ഷയുണ്ടായിരുന്നുവെന്നും രണ്ടാം റാങ്ക് ലഭിച്ചതില്‍ മാതാവിന്റേയും പിതാവിന്റെയും ചേച്ചിയുടെയും പഠിച്ച സ്‌കൂളിലെ അധ്യാപകരുടെയും പൂര്‍ണമായ പിന്തുണയുണ്ടെന്നും ശബരി പറഞ്ഞു. പിതാവ് മധു വാട്ടര്‍ അതോറിറ്റി വര്‍ക്കല ഓഫിസില്‍ ഉദ്യോഗസ്ഥനാണ്. മൂത്തസഹോദരി ശ്രീലക്ഷ്മി. കൊല്ലം തങ്കശേരി മൗണ്ട് കാര്‍മലിലായിരുന്നു പ്രാഥമിക വിദ്യാഭ്യാസം. അഞ്ചുമുതല്‍ എട്ടുവരെ ട്രിനിറ്റി ലൈസിയത്തില്‍. കോഴിക്കോട് ചേവരമ്പലം സെന്റ്‌മേരീസിലായിരുന്നു തുടര്‍പഠനം. അമ്മക്ക് ട്രാന്‍സ്ഫറായി കോഴിക്കോട് ലഭിച്ചതിനാലാണിത്.