വെഞ്ഞാറമൂട്: പൂവണത്തുംമൂട്ടില്‍ ഉറങ്ങിക്കിടന്ന വീട്ടമ്മയുടെ മാല കവര്‍ന്നു. അഞ്ചു പവന്റെ സ്വര്‍ണമാലയാണു കവര്‍ന്നത്. മഠത്തുവിളാകത്ത് വീട്ടില്‍ സജിയുടെ ഭാര്യ സജിത (25)യുടെ കഴുത്തിലണിഞ്ഞ മാലയാണു മോഷണം പോയത്. പുലര്‍ച്ചെ 1.30 നായിരുന്നു സംഭവം.
വീടിന്റെ പിറകുവശത്തെ വാതില്‍ പൊളിച്ചാണ് മോഷ്ടാവ് അകത്തു കടന്നത്. സമീപത്തെ മാടന്‍നട ക്ഷേത്രത്തില്‍ ഉത്സവം നടക്കുകയായിരുന്നതിനാല്‍ കതകു പൊട്ടിക്കുന്ന ശബ്ദം ശ്രദ്ധയില്‍പെട്ടിരുന്നില്ലെന്ന് വീട്ടമ്മ പറയുന്നു. മാല പിടിച്ചുവലിക്കുമ്പോള്‍ ഇവര്‍ ഉണര്‍ന്ന് നിലവിളിച്ചെങ്കിലും മോഷ്ടാവ് ഓടിരക്ഷപ്പെടുകയായിരുന്നു.
അടിവസ്ത്രം മാത്രം ധരിച്ചായിരുന്നു മോഷ്ടാവ് എത്തിയതെന്നും വീട്ടമ്മ പറയുന്നു. വെഞ്ഞാറമൂട് പൊലിസ് അന്വേഷണം ആരംഭിച്ചു.