അഡിസ് അബാബ: എത്യോപ്യയില്‍ പുതുതായി തെരഞ്ഞെടുത്ത പ്രധാനമന്ത്രി അബി അഹമ്മദ് പങ്കെടുത്ത റാലിയില്‍ ഗ്രനേഡ് ആക്രമണം. ഒരാള്‍ കൊല്ലപ്പെട്ടു. നിരവധി പേര്‍ക്ക് പരുക്കേറ്റു. പത്ത് പേരുടെ നില ഗുരുതരമണ്. തലസ്ഥാനമായ അഡിസ് അബാബയിലെ മെസ്‌കല്‍ സ്വ്കയറില്‍ പതിനായരങ്ങള്‍ പങ്കെടുത്ത റാലിക്കിടിയിലാണ് ആക്രമണമുണ്ടായത്. 

തന്നെ പിന്തുണച്ചുള്ള റാലി ഇല്ലാതാക്കാനുള്ള ശ്രമമാണ് ആക്രമണത്തിന് പിന്നില്‍ പ്രവര്‍ത്തിച്ചവരുടെ ലക്ഷ്യമെന്ന് അബി അഹമ്മദ് ടെലിവിഷനിലൂടെ പറഞ്ഞു. ഇത്തരം പ്രവര്‍ത്തനങ്ങള്‍ അവസാനപ്പിക്കണമെന്നും കഴിഞ്ഞ കാലങ്ങളില്‍ നടത്തിയ ഇത്തരം പ്രവര്‍ത്തനങ്ങള്‍ വിജയിച്ചില്ലെന്നും ഭാവിയില്‍ വിജയിക്കില്ലെന്നും അദ്ദേഹം പറഞ്ഞു.