മഞ്ചേരി: എക്‌സൈസ് സംഘം നടത്തിയ പരിശോധനയില്‍ കഞ്ചാവും വാഷും പിടികൂടി. സംഭവത്തില്‍  രണ്ടു പേര്‍ അറസ്റ്റിലായി.  ചാരായം വാറ്റാനുപയോഗിക്കുന്ന വാഷ് കൈവശംവച്ചതിന് തെക്കുപാട് ആലംങ്ങാടന്‍ വീട്ടില്‍ പ്രവീണി (33) നെ ചെങ്ങരയില്‍വച്ചും 15 പൊതി കഞ്ചാവ് സഹിതം മംഗലശ്ശേരി പൂഴിക്കുത്ത് വീട്ടില്‍ അബ്ദുല്‍ ലത്തീഫി(42)നെ മഞ്ചേരി പഴയ ബസ് സ്റ്റാന്‍ഡി പരിസരത്ത് വച്ചുമാണ് പിടികൂടിയത്.  
എക്‌സൈസ് സര്‍ക്കിള്‍ ഇന്‍സ്‌പെക്ടര്‍ പി.കെ ഹരികുമാറിന്റെ നേതൃത്വത്തില്‍ നടന്ന പരിശോധനയില്‍ എക്‌സൈസ് ഇന്‍സ്‌പെക്ടര്‍ എസ്. സുരേഷ്‌കുമാര്‍, പ്രിവന്റീവ് ഓഫിസര്‍ കുഞ്ഞാലന്‍കുട്ടി, സിവില്‍ എക്‌സൈസ് ഓഫിസര്‍മാരായ ബാലകൃഷ്ണന്‍, വിനില്‍കുമാര്‍, സഫീറലി, സുരേന്ദ്രന്‍, ശശീന്ദ്രന്‍ എന്നിവര്‍ പങ്കെടുത്തു.
മദ്യ മയക്കു മരുന്ന് വില്‍പന സംബന്ധിച്ചുള്ള പരാതികള്‍ 9400069643, 9400069644, 04832766184 എന്നി നമ്പറുകളില്‍ അറിയിക്കണമെന്ന് എക്‌സൈസ് വകുപ്പ് ഉദ്യോഗസ്ഥര്‍  അറിയിച്ചു.