ലണ്ടന്‍: മനുഷ്യനില്‍ കൊവിഡ് പ്രതിരോധന വാക്‌സിന്റെ പരീക്ഷണവുമായി ബ്രിട്ടനിലെ ഓക്‌സ്ഫര്‍ഡ് യൂനിവേഴ്‌സിറ്റിയും അസ്ട്രാസിനെക കമ്പനിയും മുന്നോട്ട്. പദ്ധതിക്ക് യു.എസ് 1.2 ബില്യന്‍ ഡോളര്‍ സഹായം പ്രഖ്യാപിച്ചിരുന്നു. ഇതിനു പിന്നാലെ രണ്ടാംഘട്ട പരീക്ഷണത്തിനായി 10,000 പേരെ റിക്രൂട്ട്‌ചെയ്യാനുള്ള നീക്കത്തിലാണ് ടീം. ആദ്യ ഘട്ടത്തില്‍ 18നും 55നും ഇടയില്‍ പ്രായമുള്ള 1000 ആളുകളിലായിരുന്നു പരീക്ഷണം. ഇത് വിജയകരമായിരുന്നുവെന്നും രണ്ടും മൂന്നും ഘട്ടത്തില്‍ അഞ്ചു വയസുമുതലുള്ള ആളുകളില്‍ പരീക്ഷണം നടത്താനാണ് നീക്കമെന്നും അധികൃതര്‍ അറിയിച്ചു.