അമരാവതി: മുന്‍ എം.പിയും വൈ.എസ് രാജശേഖര റെഡ്ഡിയുടെ സഹോദരനുമായ വിവേകാനന്ദ റെഡ്ഡിയുടെ മരണം സംബന്ധിച്ച് വ്യക്തമായ അന്വേഷണം നടത്താന്‍ തയാറായിട്ടില്ലെങ്കില്‍ കോടതിയെ സമീപിക്കുമെന്ന് വൈ.എസ്.ആര്‍ കോണ്‍ഗ്രസ് അധ്യക്ഷന്‍ വൈ.എസ് ജഗന്‍ മോഹന്‍ റെഡ്ഡി. വിവേകാനന്ദയുടെ മരണത്തില്‍ ദുരൂഹത ആരോപിച്ച് ജഗന്‍ മോഹന്‍ ഇന്നലെ ഗവര്‍ണര്‍ ഇ.എസ്.എല്‍ നരസിംഹന് കത്തുനല്‍കി. മരണത്തില്‍ മുഖ്യമന്ത്രി ചന്ദ്രബാബു നായിഡുവിനെ സംശയിക്കുന്നുണ്ടെന്ന് കത്തില്‍ ചൂണ്ടിക്കാണിക്കുന്നുണ്ട്.