കൊച്ചി: ചാലിശേരി സെന്റ് പീറ്റേഴ്‌സ് ആന്‍ഡ് സെന്റ് പോള്‍സ് പള്ളിയില്‍ പ്രവേശിച്ച് ആരാധന നടത്താന്‍ പൊലിസ് സംരക്ഷണം തേടി ഓര്‍ത്തഡോക്‌സ് പക്ഷത്തെ വികാരി ഫാ. മാത്യു ജേക്കബ് പുതുശേരി സമര്‍പ്പിച്ച ഹരജിയില്‍ ഹൈക്കോടതി യാക്കോബായ പക്ഷത്തിന് നോട്ടിസ് പുറപ്പെടുവിച്ചു. യാക്കോബായ പക്ഷത്തെ തൃശൂര്‍ ഭദ്രാസനാധിപന്‍ ഏലിയാസ് മാര്‍ അത്തനാസിയോസ് അടക്കം നാല് എതിര്‍കക്ഷികള്‍ക്ക് ജസ്റ്റിസുമാരായ പി.ആര്‍ രാമചന്ദ്രമേനോന്‍, എസ്.വി ഭാട്ടി എന്നിവരടങ്ങുന്ന ഡിവിഷന്‍ ബെഞ്ചാണ് നോട്ടിസ് അയച്ചത്.