കരുനാഗപ്പള്ളി: താലൂക്ക് ലൈബ്രറി കൗണ്‍സില്‍ സംഘടിപ്പിക്കുന്ന താലൂക്ക് ബാലോത്സവത്തിന് തുടക്കമായി. പടനായര്‍കുളങ്ങര വടക്ക് അഡ്വ.അഹമ്മദ് കുട്ടി ഗ്രന്ഥശാലയില്‍ നന്മ കിളിക്കൂട്ടം എന്ന പേരില്‍ സംഘടിപ്പിച്ച പരിപാടി ആര്‍.രാമചന്ദ്രന്‍ എം.എല്‍.എ ഉദ്ഘാടനം ചെയ്തു. താലൂക്ക് ലൈബ്രറി കൗണ്‍സില്‍ വൈസ് പ്രസിഡന്റ് പി.ബി ശിവന്‍ അധ്യക്ഷനായി. പ്രവീണ്‍ മനയ്ക്കല്‍, വി വിജയകുമാര്‍, ആര്‍.കെ ദീപ, എം സുരേഷ് കുമാര്‍, ശിവപ്രസാദ്, എ സജീവ്, രമണന്‍ ചിറ്റൂത്തറയില്‍ എന്നിവര്‍ സംസാരിച്ചു. ബാലവേദി കണ്‍വീനര്‍ സി.രഘുനാഥ് പരിപാടി വിശദീകരിച്ചു. തുടര്‍ന്ന് ജനകീയ സംഗീതജ്ഞന്‍ വി.കെ ശശിധരന്‍ ഗാനസദസ്സിന് നേതൃത്വം നല്‍കി.