കാസര്‍കോട്: മദീന നല്‍കിയ സന്ദേശമുള്‍ക്കൊണ്ടു പൂര്‍വിക പാരമ്പര്യത്തിലേക്ക് തിരിച്ചു പോകാന്‍ സമുദായം തയാറാവണമെന്നും ധാര്‍മിക ജീവിതത്തിലൂടെ മുസ്‌ലിങ്ങള്‍ സര്‍വര്‍ക്കും മാതൃകായാവണമെന്നും സമസ്ത വിദ്യാഭ്യാസ് ബോര്‍ഡ് സെക്രട്ടറി എം.എ ഖാസിം മുസ്‌ലിയാര്‍ പറഞ്ഞു. എസ്.കെ.എസ്.എസ്.എഫ് മദീന പാഷന്‍ പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ഹൈടെക് യുഗത്തിലും മദീനയുടെ സന്ദേശം സര്‍വാംഗീകൃതമാണ്. മദീനയുടെ പാതയുടെ ഉത്ഭവ കാലത്ത് തന്നെ അത് കാസര്‍കോടിന്റെ മണ്ണിലെത്തിയിരുന്നു.
മാലിക് ദീനാറിന്റെ മുറ്റത്തു നിന്നു തന്നെ അത് സമൂഹത്തിനു വീണ്ടും പകര്‍ന്ന് നല്‍കുന്നതാണ് മദീനാ പാഷനെന്നും അദ്ദേഹം കൂട്ടിച്ചേര്‍ത്തു.