പുല്‍പ്പള്ളി: ചേപ്പിലയില്‍ ആറ് വളര്‍ത്തുമൃഗങ്ങള്‍ക്ക് തെരുവുനായയുടെ കടിയേറ്റു.
ഇന്നലെ രാവിലെ ഒമ്പതോടെ കൂട്ടില്‍ കെട്ടിയിട്ടിരുന്ന പശുക്കള്‍ക്കാണ് തെരുവുനായയുടെ കടിയേറ്റത്തത്. ശിവന്‍, കാര്‍ത്തികന്‍, മനോഹരന്‍, ദിനേശന്‍, ഗോപി എന്നിവരുടെ വളര്‍ത്തുമൃഗങ്ങളെയാണ് ആക്രമിച്ചത്. പേപ്പട്ടിയാണെന്ന് സംശയത്തെത്തുടര്‍ന്ന് വെറ്ററിനറി സര്‍ജന്‍ സ്ഥലത്തെത്തി പരിശോധന നടത്തി വഴിയാത്രക്കാരുടെ നേരെയും തെരുവ് നായ്ക്കളുടെ ആക്രമണം ഉണ്ടായി. ഇതോടെ പ്രദേശത്തെ ജനങ്ങള്‍ ഭീതിയിലായിരിക്കുകയാണ്. അക്രമണകാരിയായ തെരുവ് നായയെ പിടികൂടാന്‍ നടപടി വേണമെന്നാണ് നാട്ടുകാരുടെ ആവശ്യം.