കൊച്ചി: മതത്തിന്റെ പേരില്‍ മനുഷ്യരെ വേട്ടയാടുന്നവന്‍ യഥാര്‍ഥ മതവിശ്വാസിയല്ലെന്നു കലക്ടര്‍ എം.ജി രാജമാണിക്യം പറഞ്ഞു. ഇസ്‌ലാമിക് സ്‌റ്റേറ്റ് (ഐ.എസ്) എന്ന പേരില്‍ ഏതോ മണ്ടന്മാര്‍ നടക്കുന്നുണ്ട്. അവര്‍ മുസ്‌ലിങ്ങള്‍ അല്ല. ജില്ലയില്‍ മുസ്‌ലിങ്ങളില്‍ ഒരാളും ഐ.എസ് അല്ലെന്നും കലക്ടര്‍ ചൂണ്ടിക്കാട്ടി.  മുസ്‌ലിം എഡ്യൂക്കേഷണല്‍ സൊസൈറ്റി എറണാകുളം ജില്ലാ കമ്മിറ്റി എം.ഇ.എസ് സെന്ററില്‍ സംഘടിപ്പിച്ച ഈദ് സംഗമം ഉദ്ഘാടനം ചെയ്യുകയായിരുന്നു അദ്ദേഹം.  
എം.ഇ.എസ് ജില്ലാ പ്രസിഡന്റ് ടി.എം സക്കീര്‍ ഹുസയിന്‍ അധ്യക്ഷത വഹിച്ചു. സെക്രട്ടറി എം.എം അഷറഫ് സ്വാഗതം പറഞ്ഞു. മുന്‍ ഡി.ജി.പി ഡോ. അലക്‌സാണ്ടര്‍ മുഖ്യപ്രഭാഷണം നടത്തി. കെ.എല്‍ മോഹനവര്‍മ്മ, ഫാദര്‍ തേലേക്കാട്ട്, ആലിം പി.കെ, സുലൈമാന്‍ മൗലവി, കെ.എം ലിയാഖത്ത് അലി, ജസ്റ്റിസ് പി.കെ ഷംസുദ്ദീന്‍, ജില്ലാ പഞ്ചായത്ത് വൈസ് പ്രസിഡന്റ് ബി. എ അബ്ദുല്‍ മുത്തലിബ്, എം.കെ അബൂബക്കര്‍ ഫാറൂഖി, എച്ച്.ഇ മുഹമ്മദ് ബാബു സേട്ട്, അബ്ദുല്‍ മജീദ് പറക്കാടന്‍, സിയാദ് കോക്കര്‍, വി.യു നൂറുദ്ദീന്‍, പ്രൊഫ. പി.ഒ.ജെ ലബ്ബ, കെ.കെ അബൂബക്കര്‍, കെ.എം സലിം, എ.എം അബൂബക്കര്‍, എം.അലി, വി.യു ഹംസക്കോയ, എം. അബ്ദുല്‍ ഹമീദ്, കെ. ജെയ്‌നി, അഡ്വ. ടി.പി.എം ഇബ്രാഹിംഖാന്‍, അഡ്വ. അബ്ദു മൊയ്തീന്‍,  സി.കെ ആരിഫ് സംസാരിച്ചു.