മനാമ: കോഴിക്കോട് വിമാനത്താവളത്തിലേക്ക് പുതുതായി സര്‍വിസ് ആരംഭിക്കുന്ന ഇന്‍ഡിഗോ എയര്‍ലൈന്‍ അധികൃതരുമായി ഗപാക് എക്‌സിക്യൂട്ടിവ് അംഗങ്ങള്‍ ചര്‍ച്ച നടത്തി. സര്‍വിസ് കഴിയുന്നതും വേഗത്തില്‍ ആരംഭിക്കണമെന്നും മിതമായ നിരക്കിലും യാത്രക്കാര്‍ക്കു കൂടുതല്‍ സൗകര്യമായ സമയത്തിലും സര്‍വിസ് നടത്തണമെന്നും ഗപാക് ആവശ്യപ്പെട്ടു.
ഗപാക് പ്രസിഡന്റ്, കെ.കെ ഉസ്മാന്‍, ജനറല്‍ സെക്രട്ടറി ഫരീദ് തിക്കോടി, ഓര്‍ഗനൈസിങ് സെക്രട്ടറി അബ്ദുല്‍ റഊഫ് കൊണ്ടോട്ടി, മുസ്തഫ എലത്തൂര്‍, മുഹമ്മദ് അലി, അമീന്‍ കൊടിയത്തൂര്‍, ഗഫൂര്‍ കോഴിക്കോട്, കോയ കൊണ്ടോട്ടി, ഇന്‍ഡിഗോ എയര്‍ലൈന്‍ പ്രതിനിധികളായി സെയില്‍സ് മാനേജര്‍ ഡെന്‍വര്‍ ഗ്രഹാം വോഡ്ഹൗസ്, സണ്ണി വര്‍മ ചര്‍ച്ചയില്‍ പങ്കെടുത്തു.