കൊച്ചി: കന്യാസ്ത്രീയെ ബലാത്സംഗം ചെയ്ത കേസില്‍ അറസ്റ്റിലായ ബിഷപ് ഫ്രാങ്കോയ്‌ക്കെതിരേ കുറ്റപത്രം സമര്‍പ്പിക്കാന്‍ വൈകുന്നതില്‍ പ്രതിഷേധിച്ച് എസ്.ഒ.എസിന്റെ നേതൃത്വത്തില്‍ ആറാം തിയതി മുതല്‍ നടത്താനിരുന്ന അനിശ്ചിതകാല സമരം മാറ്റിവച്ചേക്കും. തെരഞ്ഞെടുപ്പു നടക്കുന്ന സാഹചര്യത്തില്‍ സമരം മാറ്റിവയ്ക്കുമെന്നാണ് സൂചന.
കന്യാസ്ത്രീകളുടെ നേതൃത്വത്തില്‍ നടന്ന സമരം സേവ് അവര്‍ സിസ്റ്റേഴ്‌സ് (എസ്.ഒ.എസ്) ഫോറം ഏറ്റെടുത്തതിനെ തുടര്‍ന്ന് ശക്തമാകുകയും ഇക്കഴിഞ്ഞ സെപ്റ്റംബര്‍ 21ന് ഫ്രാങ്കോയെ പൊലിസ് അറസ്റ്റു ചെയ്യുകയുമായിരുന്നു. എന്നാല്‍ കുറ്റപത്രം സമര്‍പ്പിക്കാത്തതില്‍ പ്രതിഷേധിച്ച് വീണ്ടും കന്യാസ്ത്രീകള്‍ സമരത്തിനൊരുങ്ങിയിരുന്നു. തെരഞ്ഞെടുപ്പിനു ശേഷമേ സമരം ആരംഭിക്കൂ എന്നാണ് സൂചന. ഇന്ന് കൊച്ചിയില്‍ നടക്കുന്ന യോഗത്തില്‍ ഇത് സംബന്ധിച്ച് തീരുമാനമാകും.