നെടുമ്പാശ്ശേരി: വിമാനത്താവളത്തില്‍ വന്നിറങ്ങിയ യാത്രക്കാരനെ കാണാതായെന്ന് പരാതി. മലപ്പുറം നിലമ്പൂര്‍ രാമന്‍കുത്ത് മുതുക്കാട് പൂക്കോടന്‍ വീട്ടില്‍ പ്രബീഷ് (32)നെയാണ് കാണാതായതെന്ന് നെടുമ്പാശ്ശേരി പൊലിസ് സ്റ്റേഷനില്‍ ലഭിച്ച പരാതിയില്‍ പറയുന്നു. കഴിഞ്ഞ മാസം 12 ന് പുലര്‍ച്ചെയാണ് പ്രബീഷ് ഗള്‍ഫില്‍ നിന്ന് നെടുമ്പാശ്ശേരി വിമാനത്താവളത്തില്‍ എത്തിയത്. അഞ്ച് അടി എട്ട് ഇഞ്ച് ഉയരം, ഇരുനിറം, ഇടത് കണ്ണിന്റെ പുരികത്തിന് സമീപം മുറിവ് പറ്റിയ പാട് ഇതാണ് പ്രബീഷിനെ തിരിച്ചറിയാനുള്ള അടയാളങ്ങള്‍.