വാഷിങ്ടണ്‍: ജോണ്‍സണ്‍ ആന്‍ഡ് ജോണ്‍സണ്‍സ് (ജെ.ജെ) കമ്പനി ഉല്‍പ്പനങ്ങള്‍ ഉപയോഗിച്ചതിലൂടെ കാന്‍സറുണ്ടായെന്ന് കണ്ടെത്തിയതിനെ തുടര്‍ന്ന് യു.എസ് കോടതി കമ്പനിക്ക് 4.7 ബില്യന്‍ ഡോളര്‍ (32,000 കോടി രൂപ) പിഴ ചുമത്തി .

ജെ.ജെ ഉല്‍പ്പനങ്ങള്‍ ഉപയോഗിച്ചതിലൂടെ 22 സ്ത്രീകള്‍ക്കാണ് കാന്‍സര്‍ കണ്ടെത്തിയത്. വര്‍ഷങ്ങളായി ടാല്‍ക്കം പൗഡര്‍ ഉപയോഗിച്ചവര്‍ക്കാണ് ഒവാറിയന്‍ കാന്‍സറാണ് കണ്ടെത്തിയത്. ആറാഴ്ചത്തെ വിചാരണക്ക് ശേഷമാണ് കോടതി വിധി പുറപ്പെടുവിച്ചത്. എന്നാല്‍ കോടതി വിധി നിരാശപ്പെടുത്തിയെന്നും അപ്പീല്‍ നല്‍കുമെന്നും ജോണ്‍സണ്‍ ആന്‍ഡ് ജോണ്‍സണ്‍സ് അഭിഭാഷകന്‍ പറഞ്ഞു.