തിരുവനന്തപുരം: കെ.എസ്.ആര്‍.ടി.സി ബസുകളിലെ കാലപ്പഴക്കംചെന്ന സൂചനാബോര്‍ഡുകള്‍ മാറ്റുമെന്ന് ഗതാഗതമന്ത്രി എ.കെ ശശീന്ദ്രന്‍ നിയമസഭയെ അറിയിച്ചു. കാലപ്പഴക്കംമൂലം ബോര്‍ഡുകള്‍ വായിക്കാന്‍ കഴിയില്ലെന്ന് നിരവധി പരാതികള്‍ ലഭിച്ചിരുന്നു. ഇതിന്റെ അടിസ്ഥാനത്തിലാണ് നടപടി. അനധികൃതമായി ബോര്‍ഡ് പ്രദര്‍ശിപ്പിച്ചിട്ടുള്ള വാഹനങ്ങള്‍ക്കെതിരേ നടപടിയെടുക്കാന്‍ ഗതാഗത കമ്മിഷണര്‍ക്ക് നിര്‍ദേശം നല്‍കിയിട്ടുണ്ട്.

എല്‍.ഡി.എഫ് സര്‍ക്കാര്‍ അധികാരത്തിലേറിയശേഷം മോട്ടോര്‍ വാഹനവകുപ്പില്‍ 18 ചെക്ക്‌പോസ്റ്റുകളില്‍ വിജിലന്‍സ് റെയ്ഡ് നടത്തിയിട്ടുണ്ടെന്നും വിവിധയിടങ്ങളില്‍ നിന്നായി 3.79 ലക്ഷം രൂപ പിടിച്ചെടുത്തിട്ടുണ്ടെന്നും മന്ത്രി വ്യക്തമാക്കി.