കൊല്‍ക്കത്ത: ലോക്‌സഭാ തെരഞ്ഞെടുപ്പിലെ പരാജയം മുന്നില്‍ കണ്ട് പ്രധാനമന്ത്രിയുടെ മുഖം വിളറിയെന്ന് പശ്ചിമബംഗാള്‍ മുഖ്യമന്ത്രി മമത ബാനര്‍ജി. പരാജയ ഭീതിയാലാണ് മോദി ഇപ്പോള്‍ വര്‍ഗീയ പരാമര്‍ശങ്ങള്‍ നടത്തി വോട്ട് നേടാന്‍ ശ്രമിക്കുന്നതെന്നും കൃഷ്ണനഗറില്‍ തെരഞ്ഞെടുപ്പ് റാലിക്കിടെ മമത പറഞ്ഞു.

ഉത്തര്‍പ്രദേശ്, രാജസ്ഥാന്‍, ഡല്‍ഹി, ആന്ധ്രപ്രദേശ്, ഗുജറാത്ത്, ഒഡിഷ തുടങ്ങിയ സംസ്ഥാനങ്ങളില്‍ തോല്‍ക്കുമെന്ന ഭയത്തില്‍ മോദി പേടിച്ചിരിക്കുകയാണ്. അതിന്റെ ആശങ്ക അദ്ദേഹത്തിന്റെ മുഖത്തുകാണാമെന്നും മമത പരിഹസിച്ചു. ബംഗാളിലെ ജനങ്ങളെ മതം പറഞ്ഞ് വിഘടിപ്പിച്ച് വോട്ടു നോടാനുള്ള ബിജെപിയുടെ ശ്രമം വിലപ്പോകില്ലെന്നും മമത വ്യക്തമാക്കി.