തിരുവനന്തപുരം: ബി.ജെ.പി സംസ്ഥാന പ്രസിഡന്റ് പി.എസ് ശ്രീധരന്‍ പിള്ളയുടെ വര്‍ഗീയ പ്രസംഗം സംബന്ധിച്ച അന്വേഷണ റിപ്പോര്‍ട്ട് കേന്ദ്ര തെരഞ്ഞെടുപ്പു കമ്മിഷന് അയച്ചതായി മുഖ്യ തെരഞ്ഞെടുപ്പ് ഓഫിസര്‍ ടിക്കാറാം മീണ അറിയിച്ചു. കമ്മിഷന്റെ നടപടി ഉണ്ടാകുമെന്നാണ് പ്രതീക്ഷ. ഇതു സംബന്ധിച്ച് കലക്ടറുടെ റിപ്പോര്‍ട്ട് ലഭിച്ചിരുന്നു. ഇതിന്റെ അടിസ്ഥാനത്തിലാണ് തുടര്‍ നടപടി സ്വീകരിച്ചത്. ശ്രീധരന്‍ പിള്ളയുടെ പ്രസംഗം സംബന്ധിച്ച് പൊലിസ് അന്വേഷണം നടക്കുന്നുണ്ടെന്നും മീണ പറഞ്ഞു.