കോട്ടയം: കോണ്‍ഗ്രസ് മലര്‍ന്നു കിടന്നു തുപ്പുകയാണെന്ന് കെ.എം മാണി. കോട്ടയം ജില്ലാ പഞ്ചായത്തില്‍ തീരുമാനമെടുത്തത് അംഗങ്ങളാണ്. തനിക്കോ ജോസ്.കെ മാണിയ്‌ക്കോ ഇതില്‍ പങ്കില്ല. കരാര്‍ ലംഘനം ആദ്യം നടത്തിയത് കോണ്‍ഗ്രസ് ആണെന്നും മാണി ആരോപിച്ചു.

സി.പി.എമ്മിനോട് ചര്‍ച്ച നടത്തിയിട്ടില്ല. അങ്ങോട്ട് പോകുന്നുമില്ലെന്നും അദ്ദേഹം പറഞ്ഞു.കോട്ടയം ഡി.സി.സി കേരള കോണ്‍ഗ്രസിനെ കുത്തിനോവിച്ചു. ഇരു പാർട്ടികളും തമ്മിലുണ്ടാക്കിയ ധാരണ തകർത്തത് കോണ്‍ഗ്രസാണെന്നും അദ്ദേഹം കൂട്ടിച്ചേർത്തു.