ന്യൂഡല്‍ഹി: സി.ബി.എസ്.ഇ പത്ത്, പന്ത്രണ്ട് ക്ലാസുകളിലെ ഏതെങ്കിലും വിഷയത്തില്‍ തോറ്റവര്‍ക്കും ഫലം മെച്ചപ്പെടുത്താന്‍ ആഗ്രഹിക്കുന്നവര്‍ക്കുമുള്ള കംപാര്‍ട്ട്‌മെന്റ് പരീക്ഷകള്‍ ഈ മാസം അവസാനത്തോടെ നടത്തുമെന്ന് സി.ബി.എസ്.സി സുപ്രിം കോടതിയില്‍ അറിയിച്ചു.

 കൊവിഡ് പശ്ചാത്തലത്തില്‍ സാമൂഹിക അകലം ഉറപ്പാക്കി പരീക്ഷ നടത്തുന്നതിന് പരീക്ഷ കേന്ദ്രങ്ങളുടെ എണ്ണം 1,200 ലധികമായി വര്‍ധിപ്പിക്കും. 40 കുട്ടികള്‍ക്കിരിക്കാവുന്ന ക്ലാസ് മുറിയില്‍ 12 കുട്ടികളെ മാത്രമേ ഇരുത്തൂ.

ഇക്കാര്യത്തിലുള്ള വിജ്ഞാപനം ഉടന്‍ പുറപ്പെടുവിക്കുമെന്നും സി.ബി.എസ്.സി സുപ്രിം കോടതിയെ അറിയിച്ചു. പരീക്ഷാ നടത്തിപ്പിന്റെ രീതി, തിയതികള്‍ തുടങ്ങിയ വിവരങ്ങള്‍ ഉള്‍ക്കൊള്ളിച്ച് 10നകം സത്യവാങ്മൂലം സമര്‍പ്പിക്കാന്‍ കോടതി സി.ബി.എസ്.സിയോട് നിര്‍ദേശിച്ചു. പരീക്ഷകള്‍ മാറ്റിവയ്ക്കണമെന്നാവശ്യപ്പെട്ട് നല്‍കിയ ഹരജികളിലാണ് സി.ബി.എസ്.ഇ ഇക്കാര്യം അറിയിച്ചത്.