കാഞ്ഞിരപ്പളളി : താലൂക്കില്‍ പൊന്‍കുന്നം ടൗണിലുളള സ്വകാര്യ പണമിടപാടു സ്ഥാപനത്തില്‍ അനധികൃതമായി സൂക്ഷിച്ചിരുന്ന 35 ലിറ്റര്‍ റേഷന്‍ മണ്ണെണ്ണ കാഞ്ഞിരപ്പള്ളി താലൂക്ക് സപ്ലൈ ഓഫിസര്‍ പിടിച്ചെടുത്തതായി ജില്ലാ സപ്ലൈ ഓഫിസര്‍ അറിയിച്ചു.
പൊതു വിതരണത്തിനുളള റേഷന്‍ മണ്ണെണ്ണ മറ്റ് ആവശ്യങ്ങള്‍ക്ക് ഉപയോഗിക്കുന്നത് കുറ്റകരമായതിനാല്‍ ഇ.സി ആക്ട് പ്രകാരം കേസ് എടുക്കുന്നതിന് കലക്ടര്‍ക്ക് സമര്‍പ്പിച്ചു.
ജില്ലയില്‍ കരിഞ്ചന്തയില്‍ വിറ്റഴിക്കുന്ന  മണ്ണെണ്ണ പിടിച്ചെടുക്കുന്നത് ഈ ആഴ്ചയില്‍ രണ്ടാമത്തെ തവണയാണ്.  കാഞ്ഞിരപ്പളളി താലൂക്ക് സപ്ലൈ ഓഫിസര്‍ എം.പി ശ്രീലത, റേഷനിങ് ഇന്‍സ്‌പെക്ടര്‍ ജയന്‍ ആര്‍ നായര്‍ എന്നിവര്‍ പരിശോധനയ്ക്ക് നേതൃത്വം നല്‍കി.