വേങ്ങര: പരിമിതികള്‍ക്കുളളിലും വലിയോറ കുറുക ഗവ. ഹൈസ്‌കൂള്‍ എസ്.എസ്.എല്‍.സി രണ്ടാം ബാച്ചിനും നൂറ് മേനി തിളക്കം.
2013 ല്‍ ഹൈസ്‌കൂളായി ഉയര്‍ത്തിയതിനു ശേഷം നടന്ന ആദ്യ രണ്ടു ബാച്ചുകളും നൂറ് ശതമാനം വിജയം കൊയ്തതിന്റെ ആവേശത്തിലാണ് വിദ്യാര്‍ഥികളും രക്ഷിതാക്കളും.
പ്രധാനാധ്യാപകനടക്കം ആവശ്യത്തിനു അധ്യാപകരോ അധ്യാപകേതര ജീവനക്കാരോ ഇല്ലാത്ത ഇവിടെ പരിമിതമായ അധ്യാപരുടെ സേവനം ഉപയോഗപ്പെടുത്തിയാണ് മികച്ച വിജയം നേടിയതെന്നത് ശ്രദ്ധേയമായി. പി.ടി.എ കമ്മിറ്റിയും അധ്യാപകരും നടത്തിയ കൂട്ടായ പ്രവര്‍ത്തനങ്ങളുടെ വിജയമാണു നൂറ് മേനിയിലെത്തിയത്. ഇത്തവണ കല്ലന്‍ അഫീഫക്കും കൃഷ്ണപ്രിയക്കും മുഴുവന്‍ വിഷയങ്ങളിലും എപ്ലസ് ഗ്രേഡ് നേടാനായി.