ആനക്കര : സമൂഹ വിവാഹത്തിലും ചരിത്രം കുറിച്ച്്് ആനക്കര. ഇന്ത്യയുടെ ധീരവനിത ക്യാപ്ന്‍ ലക്ഷ്മിയുടേയും, മലയാള സാഹിത്യ തറവാടിന്റെ പുണ്യം എം ടി വാസുദേവന്‍ നായരുടേയും പേരിനൊപ്പം എഴുതി ചേര്‍ക്കപ്പെട്ട ആനക്കരയുടെ മണ്ണില്‍ മറ്റൊരു ചരിത്രം കൂടി യാണ്്് ഇവിടെ കുറിക്കപ്പെട്ടത്. നിര്‍ധന കുടുംബത്തില്‍പ്പെട്ട നാല് പെണ്‍കുട്ടികള്‍ക്ക് സമൂഹ വിവാഹത്തിലൂടെ മംഗല്യ ഭാഗ്യം നല്കി പുതു ജീവിതത്തിലേക്ക് ആനയിച്ചാണ് കേരള വ്യാപാരി വ്യവസായി സമിതി ആനക്കര പഞ്ചായത്ത് കമ്മറ്റിയാണ് സംഘടിപ്പിച്ചത്
പ്രളയത്തില്‍ ജില്ലയില്‍ തന്നെ വലിയ നാശ നഷ്ടം ഉണ്ടായ പഞ്ചായത്തകളില്‍ ഒന്നാണ് ആനക്കര. അതില്‍ വലിയനഷ്ട്ടം വന്നതും വ്യാപാരികള്‍ക്കായിരുന്നു.എന്നാല്‍ മുന്‍ കൂട്ടി നിശ്ചയിച്ച പരിപാടിയായതിനാല്‍ വ്യാപാരികള്‍ കടുത്ത സാമ്പത്തിക പ്രതിന്ധിയിലും വിവാഹവുമായി മുന്നോട്ട് പോകുകയാണ്.പഞ്ചായത്തിലെ ഏറ്റവും നിര്‍ദ്ധനരായ നാല് പെണ്‍കുട്ടികളുടെ വിവാഹമാണ് ചടങ്ങില്‍ നടത്തിയത്. ശ്രുതിയുടൈ കഴുത്തില്‍ ഉണ്ണികൃഷ്ണനും, ശ്രീജയുടൈ കഴുത്തില്‍ അശോകനും ,മേഘ്‌നയുടെ കഴുത്തില്‍ സുരേഷും, അമൃതയുടെ കഴുത്തില്‍ ഗിരീഷ് വരണമാല്യം ചാര്‍ത്തി. പാലൊളി മുഹമ്മദ് കുട്ടി, സി കെ രാജേന്ദ്രന്‍, എം ചന്ദ്രന്‍ ,പി മമ്മിക്കുട്ടി എന്നിവര്‍ വധൂവരന്‍മാര്‍ക്ക് മലയും ബൊക്കയും കൈമാറി.
ഇതിന് പുറമെ സംസ്ഥാന സര്‍ക്കാരിന്റെ പ്രളയ ദുരിതാശ്വാസ ഫണ്ടിലേക്ക് പ്രത്യേക മായി സ്വരൂപിച്ച ഒരു തുകയും ചടങ്ങില്‍ കൈമാറുകയും ചെയ്തു. അടുത്ത് തന്നെ സമിതിയുടെ ജീവ കാരു്യ പ്രവര്‍ത്തനത്തിന്റെ ഭാഗമായി ഒരു ആംബൂലന്‍സ് വാങ്ങാനുളള ശ്രമത്തിലുമാണ്. വിവാഹ ചടങ്ങ് സി.പി..എം സംസ്ഥാന കമ്മറ്റിയംഗം പാലൊളി മുഹമ്മദ് കുട്ടി ഉദ്ഘാടനം ചെയ്തു.
സമിതി ജില്ലാ രക്ഷാധികാരി പി മമ്മിക്കുട്ടി അധ്യക്ഷനായി.സി.പി..എം ജില്ലാ സെക്രട്ടറി സി.കെ രാജേന്ദ്രന്‍, മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള സംഭാവന ഏറ്റു വാങ്ങി., സംസ്ഥാന കമ്മറ്റിയംഗം എം ചന്ദ്രന്‍ ,എം.ബി രാജേഷ് എം.പി, ജില്ലാ സെസ്‌ക്രട്ടേറിയേറ്റംഗം, വി കെ ചന്ദ്രന്‍ ,ഏരിയാ സെക്രട്ടറി പിഎന്‍ മോഹനന്‍, ബ്ലോക്ക് പഞ്ചായത്ത് വൈസ് പ്രസിഡണ്ട് എം കെ പ്രദീപ്, മലപ്പുറം ജില്ലാ പഞ്ചായത്തംഗം എം ബി ഫൈസല്‍, സമിതി ജില്ലാ സെക്രട്ടറി എം അനന്തന്‍ , ഡോ. പികെ കെ ഹുറൈര്‍ കുട്ടി, എം.ഉണ്ണികൃഷ്ണന്‍,പി.ബി ശശീധരന്‍,കെ.വിജയന്‍, ഇ.പരമേശ്വരന്‍കുട്ടി,കുട്ടികൂടല്ലൂര്‍ എന്നിവര്‍ സംബന്ധിച്ചു.