കല്‍പ്പറ്റ: റമദാനില്‍ മഹല്ലുകളില്‍ നടപ്പിലാക്കുന്ന ദഅവാ, റിലീഫ് പ്രവര്‍ത്തനങ്ങളെ കുറിച്ചും സംഘടനാ ശാക്തീകരണത്തിനുമായി എസ്.എം.എഫ് മേഖലാ ഭാരവാഹികളുടെ സ്‌പെഷ്യല്‍ സംഗമം നാളെ നടക്കും.
വൈത്തിരി താലൂക്കിലെ പടിഞ്ഞാറത്തറ, പൊഴുതന, മേപ്പാടി, റിപ്പണ്‍, കല്‍പ്പറ്റ, കമ്പളക്കാട് മേഖലകളിലെ പ്രസിഡന്റുമാര്‍, സെക്രട്ടറിമാര്‍, ഉള്‍പ്പെടെ മുഴുവന്‍ ഭാരവാഹികളുടെയും സംഗമം രാവിലെ 11ന് കല്‍പ്പറ്റ സമസ്താലയത്തിലും സുല്‍ത്താന്‍ ബത്തേരി, മീനങ്ങാടി, അമ്പലവയല്‍ മേഖലാ ഭാരവാഹികളുടെ സംഗമം ഉച്ചക്ക് 3.30ന് ബീനാച്ചി മദ്‌റസയിലും നടക്കും. സംഗമങ്ങളില്‍ ജില്ലാ ഭാരവാഹികള്‍ സംബന്ധിക്കും.