മനാമ: ബഹ്റൈനിൽ പ്രവാസികളെ ഞെട്ടിച്ച് വീണ്ടും ആത്മഹത്യ. ആന്ധ്ര വിശാഖപട്ടണം സ്വദേശിയായ സായ് തേജ് മൊതൽവാലസ എന്ന 20 കാരനാണ് ബഹ്റൈനിലെ ഹൂറ പ്രവിശ്യയിലെ താമസ സ്ഥലത്ത് ഞായറാഴ്ച തൂങ്ങി മരിച്ചത്. 

ഇവിടെ ഒരു സ്വകാര്യ കന്പനി ജീവനക്കാരനാണ്. ഇയാളുടെ മാതാവും ബഹ്റൈനിൽ വീട്ടു ജോലി ചെയ്യുന്നുണ്ട്. ഞായറാഴ്ച മകന്‍റെ മുറിയിലെത്തിയപ്പോള്‍ മകന്‍ തൂങ്ങിയ നിലയിലായിരുന്നു. 

 

ജീവന്‍ പൂര്‍ണ്ണമായി നഷ്ടപ്പെട്ടിരുന്നില്ല. തുടര്‍ന്ന് മാതാവ് കയർ മുറിച്ച് യുവാവിനെ നിലത്തിട്ടു. പ്രാഥമിക ശുശ്രൂഷകൾ നല്‍കിയെങ്കിലും രക്ഷിക്കാൻ കഴിഞ്ഞില്ല. പോലീസ് സ്ഥലത്തെത്തി മൃതദേഹം സൽമാനിയ മെഡിക്കൽ കോംപ്ലക്സ് മോർച്ചറിയിലേക്ക് മാറ്റി. നടപടിക്രമങ്ങള്‍ പൂര്‍ത്തിയാക്കി മൃതദേഹം നാട്ടിലേക്ക് കൊണ്ടുപോകും.

ഈയിടെയായി ബഹ്റൈനില്‍ പ്രവാസികളുടെ ആത്മഹത്യകള്‍ വര്‍ദ്ധിച്ചിട്ടുണ്ട്. 

 

ബഹ്റൈനില്‍ ഈ മാസം ഇത് 7ാമത്തെ ആത്മഹത്യയാണ് റിപ്പോര്‍ട്ട് ചെയ്യപ്പെടുന്നത്. കഴിഞ്ഞ ഒരു മാസത്തിനിടെ 28 ഇന്ത്യക്കാരാണ്  ബഹ്റൈനില്‍ മാത്രം ആത്മഹത്യ ചെയ്തത്. 

---

---