പാലാ: കഴിഞ്ഞ വര്‍ഷങ്ങളെ അപേക്ഷിച്ച് സിവില്‍ സര്‍വിസിന്റെ ഉന്നത ശ്രേണികളിലെത്താനിടയുളള മലയാളികളുടെ എണ്ണം ഗണ്യമായി വര്‍ദ്ധിച്ചിരിക്കുന്നതായി മഹാത്മാഗാന്ധി യൂനിവേഴ്‌സിറ്റി വൈസ് ചാന്‍സിലര്‍ ഡോ. ബാബു സെബാസ്റ്റ്യന്‍.
പാലാ സിവില്‍ സര്‍വിസ് ഇന്‍സ്റ്റിറ്റ്യൂട്ട് പോലുളള പരിശീലനകേന്ദ്രങ്ങളുടെ പങ്ക് ഇക്കാര്യത്തില്‍ ശ്രദ്ധേയമാണെന്ന് അദ്ദേഹം ചൂണ്ടിക്കാട്ടി.
ഹൈയര്‍ സെക്കന്‍ഡറി വിദ്യാര്‍ഥികള്‍ക്കുവേണ്ടിയുളള സംസ്ഥാന തല പഞ്ചദിന ഓറിയന്റേഷന്‍ ക്യാംപ് പാലാ പാസറ്ററല്‍ ഇന്‍സ്റ്റിറ്റ്യൂട്ടില്‍ ഉദ്ഘാടനം ചെയ്യുകയായിരുന്നു അദ്ദേഹം.
ഇന്‍സ്റ്റിറ്റ്യൂട്ട് മാനേജര്‍ മോണ്‍. ഫിലിപ്പ് ഞരളക്കാട്ട് അധ്യക്ഷനായി. ഡോ. ജോസഫ് വെട്ടിക്കന്‍, പ്രൊഫ. ജോര്‍ജ്ജ് ജോസഫ് എന്നിവര്‍ പ്രസംഗിച്ചു. നൂറിലധികം വിദ്യാര്‍ഥി, വിദ്യാര്‍ഥിനികള്‍ പങ്കെടുക്കുന്ന പഞ്ചദിന ക്യാംപ്  16നു സമാപിക്കും.