ലക്‌നോ: കടത്തില്‍ മുങ്ങിയ സംസ്ഥാനത്തെ കരിമ്പു കര്‍ഷകര്‍ക്ക് ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥിന്റെ ഉപദേശം. കരിമ്പു കൃഷിചെയ്യുന്നത് നിര്‍ത്തുക, പഞ്ചസാര പ്രമേഹത്തിനു കാരണമാകും. കരിമ്പു കൃഷി നിര്‍ത്തി പച്ചക്കറി കൃഷി തുടങ്ങാനാണ് കര്‍ഷകരോട് യോഗി പറഞ്ഞത്.

ഭാഗ്പട്ട് ജില്ലയില്‍ ഒരു റാലിയെ അഭിസംബോധന ചെയ്തു സംസാരിക്കുമ്പോഴാണ് 10000 കോടിയിലധികം രൂപയുടെ നഷ്ടത്തിലോടുന്ന കരിമ്പു കര്‍ഷകരെ യോഗി ഉപദേശിച്ചത്.

ഡല്‍ഹിയിലെ വലിയ ചന്തകളെല്ലാം വളരെ അടുത്താണ്. നിങ്ങള്‍ വലിയ അളവില്‍ കരിമ്പു കൃഷി ചെയ്താല്‍ ജനങ്ങള്‍ അതു ഉപയോഗിക്കുകയും അവര്‍ക്ക് പ്രമേഹം പിടിപെടുകയും ചെയ്യും.നിങ്ങള്‍ക്ക് ലാഭം വേണമെങ്കില്‍ പച്ചക്കറികള്‍ കൃഷിചെയ്യൂ- യോഗി പറഞ്ഞു.