കൊച്ചി: മാധ്യമപ്രവര്‍ത്തകര്‍ ആക്രമിച്ചെന്നാരോപിച്ച് ഹൈക്കോടതി നടപടികള്‍ ബഹിഷ്‌കരിച്ച അഭിഭാഷകര്‍ക്കെതിരേ നടപടി വേണമെന്നും വ്യവഹാരികള്‍ക്ക് ഇതുമൂലമുണ്ടായ നഷ്ടം അഭിഭാഷകരില്‍ നിന്ന് ഈടാക്കണമെന്നുമാവശ്യപ്പെട്ട് തൃശൂര്‍ സ്വദേശിയും പൊതുപ്രവര്‍ത്തകനുമായ പി.ഡി ജോസഫ് ഹൈക്കോടതിയില്‍ ഹരജി നല്‍കി.  
ഹരജി മൂന്നാഴ്ച കഴിഞ്ഞു പരിഗണിക്കും. ജൂലൈ 19, 20 തിയതികളില്‍ ഹൈക്കോടതിയില്‍ മാധ്യമപ്രവര്‍ത്തകര്‍ക്കു നേരെ നടന്ന അക്രമങ്ങളുടെ തുടര്‍ച്ചയായാണ് അഭിഭാഷകര്‍ കോടതി ബഹിഷ്‌കരിച്ചത്. അഭിഭാഷകരുടെ കോടതി  ബഹിഷ്‌കരണം ഉള്‍പ്പെടെയുള്ള കാര്യങ്ങളില്‍ അന്വേഷണം നടത്താന്‍ ചീഫ് സെക്രട്ടറി, ഡി.ജി.പി എന്നിവര്‍ക്ക് നിര്‍ദേശം നല്‍കണം. ഹൈക്കോടതിയിലെ മീഡിയ റൂം തുറക്കാന്‍ ഇടപെടണം എന്നിങ്ങനെയാണ് ഹരജിയിലെ ആവശ്യങ്ങള്‍.