വളപട്ടണം: സോഷ്യല്‍ വെല്‍ഫയര്‍ റിലീഫ് കമ്മിറ്റിയുടെ 19ാം വാര്‍ഷീകവും സാമൂഹിക പ്രവര്‍ത്തകന്‍ മൊയതു കടന്നപ്പള്ളിയെയും ഉന്നതവിജയം നേടിയ വിദ്യാര്‍ഥികളെയും ആദരിക്കലും നടന്നു.
സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മൗലവി നിര്‍വഹിച്ചു. എം അസ്ഗറലി തങ്ങള്‍ അധ്യക്ഷനായി. എസ്.എസ്.എല്‍.സി, പ്ലസ് ടു പരീക്ഷയില്‍ ഉന്നത വിജയം നേടിയ എം ദൃശ്യ, വി.കെ ഫാത്തിമ, ഫാത്തിമ ഷാസിയ, സി.സി ആയിഷത്തുബറീറ, ടി.ബി ബിലാല്‍ എന്നിവര്‍ക്കുള്ള ക്യാഷ് അവാര്‍ഡും മൊമ്മന്റോയും വി.പി വമ്പന്‍, കണ്ണൂര്‍ സൂബൈര്‍ എന്നിവര്‍ നിര്‍വഹിച്ചു.
തയ്യല്‍ മെഷീന്‍ വിതരണം സി അബ്ദുറഹ്മാനും സൗജന്യ പാഠപുസ്തക യുനിഫോം വിതരണം  കെ.വി ഷക്കീലും ധനസഹായ വിതരണം എളയടത്ത് അഷ്‌റഫും നിര്‍വഹിച്ചു. എ.എന്‍ സലീം, പി.വി താജുദ്ദീന്‍, കെ ജലീല്‍ ഹാജി, എ.പി സാദ്ദിഖ്, കബീര്‍ കണ്ണാടിപ്പറമ്പ്, കെ.എം താജ്ജുദ്ദീന്‍, കളത്തില്‍ സുബൈര്‍ സംസാരിച്ചു.