മലപ്പുറം: എസ്.എസ്.എല്‍.സി പരീക്ഷയില്‍ തുടര്‍പഠനത്തിന് അര്‍ഹരായ ആണ്‍കുട്ടികള്‍ക്കായി സമസ്ത ജില്ലാ കമ്മിറ്റി ആരംഭിച്ച സമസ്ത ദഅ്‌വാ കോഴ്‌സുകള്‍ക്ക് മണ്ഡലംതലത്തില്‍ കേന്ദ്രങ്ങളായി. നിലമ്പൂര്‍ കരുളായി യതീംഖാന മസ്ജിദിലും വണ്ടൂര്‍ കാളികാവ് ചാഴിയോടും മഞ്ചേരി തൃക്കലങ്ങോട് ചെറുവട്ടിയിലും കൊണ്ടോട്ടി ഖാസിയാരകത്തും വള്ളിക്കുന്ന് പനയപ്പുറത്തും വേങ്ങര അച്ചനമ്പലത്തും പെരിന്തല്‍മണ്ണ കരിങ്കല്ലത്താണിയിലും മലപ്പുറം മുണ്ടുപറമ്പിലും കോട്ടക്കല്‍ പൈങ്കണ്ണൂരിലും തവനൂര്‍ കാലടിയിലും മങ്കട രാമപുരം അന്‍വാറുല്‍ ഹുദയിലും ഏറനാട് വടശ്ശേരിയിലും കേന്ദ്രം പ്രവര്‍ത്തിക്കും.
ജൂണ്‍ 17നു നാലു കേന്ദ്രങ്ങളില്‍ കേന്ദ്രീകൃത എന്‍ട്രന്‍സ് പരീക്ഷ നടക്കും. അപേക്ഷാ ഫോം മലപ്പുറം സുന്നി മഹലില്‍നിന്നും സമസ്ത മണ്ഡലം സെക്രട്ടറിമാരില്‍നിന്നും ലഭിക്കും. ജൂണ്‍ 10ന് അപേക്ഷാ സമര്‍പ്പണം അവസാനിക്കും. ജൂലൈ അഞ്ചിനു കോഴ്‌സ് ആരംഭിക്കും.
മലപ്പുറം സുന്നി മഹലില്‍ ചേര്‍ന്ന ജില്ലാ മുശാവറയുടെയും മണ്ഡലം സെക്രട്ടറിമാരുടെയും യോഗത്തില്‍ പ്രസിഡന്റ് എം.ടി അബ്ദുല്ല മുസ്‌ലിയാര്‍ അധ്യക്ഷനായി. ജനറല്‍ സെക്രട്ടറി പി. കുഞ്ഞാണി മുസ്‌ലിയാര്‍ ഉദ്ഘാടനം ചെയ്തു. കോട്ടുമല മൊയ്തീന്‍കുട്ടി മുസ്‌ലിയാര്‍, ടി.പി ഇപ്പ മുസ്‌ലിയാര്‍, വാക്കോട് മൊയ്തീന്‍കുട്ടി ഫൈസി, ഏലംകുളം ബാപ്പു മുസ്‌ലിയാര്‍, പുത്തനഴി മൊയ്തീന്‍ ഫൈസി, മുടിക്കോട് മുഹമ്മദ് മുസ്‌ലിയാര്‍, ഒ.ടി മൂസ മുസ്‌ലിയാര്‍, കെ.എ റഹ്മാന്‍ ഫൈസി, സയ്യിദ് ഫഖ്‌റുദ്ദീന്‍ തങ്ങള്‍ നെല്ലിക്കുത്ത്, കെ.വി അസ്ഗറലി ഫൈസി പട്ടിക്കാട്, ഇ.കെ കുഞ്ഞമ്മദ് മുസ്‌ലിയാര്‍, എ.പി യഅ്ഖൂബ് ഫൈസി രാമംകുത്ത്, കെ. അബ്ദുല്‍ ഖാദിര്‍ ഫൈസി കുന്നുംപുറം, പി.എം മൊയ്തീന്‍ കുട്ടി മുസ്‌ലിയാര്‍ തലപ്പാറ, കാളാവ് സൈതലവി മുസ്‌ലിയാര്‍, കാടേരി മുഹമ്മദ് മുസ്‌ലിയാര്‍, എം. സുലൈമാന്‍ ഫൈസി മാളിയേക്കല്‍, ടി. അബ്ദുല്‍ അസീസ് ഫൈസി, സി.എച്ച് ത്വയ്യിബ് ഫൈസി സംബന്ധിച്ചു.