തിരുവനന്തപുരം: ആര്‍. ബാലകൃഷ്ണ പിള്ളയെ മുന്നോക്ക വികസന കോര്‍പറേഷന്‍ ചെയര്‍മാനാക്കിയ ഇടതുമുന്നണി ജനങ്ങളോട് മാപ്പുപറയണമെന്ന് പ്രതിപക്ഷ നേതാവ് രമേശ് ചെന്നിത്തല. യു.ഡി.എഫ് ബാലകൃഷ്ണ പിള്ളയെ ചെയര്‍മാനാക്കിയപ്പോള്‍ ആക്ഷേപ ശരങ്ങള്‍ ചൊരിഞ്ഞവരാണ് എല്‍.ഡി.എഫുകാര്‍.
പിള്ളയെ ചെയര്‍മാനാക്കിയത് സര്‍ക്കാരിന്റെ അധികാരപരിധിയില്‍പ്പെട്ട കാര്യമാണ്. എന്നാല്‍, നേരത്തേ ശക്തമായി എതിര്‍ത്തവര്‍ ഇന്ന് അതുതന്നെ ചെയ്തതിന് എന്ത് ന്യായീകരണമാണുള്ളതെന്ന് വ്യക്തമാക്കണം. വി.എസ് അച്യുതാനന്ദന് ഇക്കാര്യത്തില്‍ എന്താണ് പറയാനുള്ളതെന്ന് അറിയാന്‍ ജനങ്ങള്‍ക്ക് ആഗ്രഹമുണ്ടെന്നും ചെന്നിത്തല പറഞ്ഞു.