ചേലക്കര : ചാലക്കുടി ദേശീയപാതയില്‍ വാഹനാപകടം സൃഷ്ടിച്ച് സ്വര്‍ണ കവര്‍ച്ച നടത്തിയ കേസിലെ പ്രതികള്‍ സഞ്ചരിച്ചിരുന്നതെന്ന് കരുതുന്ന വാഹനം ചേലക്കര കൊണ്ടാഴി തൃത്തം തളിക്ഷേത്രത്തിന് സമീപം പാതയോരത്ത് ഉപേക്ഷിച്ച നിലയില്‍ കണ്ടെത്തി.
ചാലക്കുടി പൊലിസ് അന്വേഷിക്കുന്ന കേസില്‍ ഇത് നിര്‍ണായക വഴിതിരിവായി. കഴിഞ്ഞ ദിവസം രാത്രിയിലാണ് ചാലക്കുടി പൊലിസിന് ഇത് സംബന്ധിച്ച രഹസ്യം വിവരം ലഭിച്ചത്. നിഴല്‍ പൊലിസിന് ലഭിച്ച വിവരം പഴയന്നൂര്‍ പൊലിസിന് കൈമാറുകയായിരുന്നു. പൊലിസെത്തി വാഹനം കസ്റ്റഡിയിലെടുത്തു.
ഗഘ4 2 ഖ 789 നമ്പറിലുള്ള ഹ്യണ്ടായ് ഐക്കണ്‍ കാറാണ് കസ്റ്റഡിയിലെടുത്തത്. വിരലടയാള വിദഗ്ധര്‍ സ്ഥലത്തെത്തി കാര്‍ പരിശോധിച്ചു.
പ്രതികളെ കുറിച്ച് വ്യക്തമായ സൂചന ലഭിച്ചതായി പൊലിസ് അറിയിച്ചു.