പാലാ: വിവാഹച്ചടങ്ങിന് പോയവര്‍ സഞ്ചരിച്ച വാഹനം കണ്ടെയ്‌നര്‍ ലോറിയിലിടിച്ച് 15 പേര്‍ക്ക് പരുക്ക്. ഇവര്‍ സഞ്ചരിച്ചിരുന്ന ടെമ്പോ ട്രാവലര്‍ മറ്റോരു കാറിലിടിക്കാതിരിക്കാന്‍ വെട്ടിക്കുന്നതിനിടയില്‍ കണ്ടെയ്‌നര്‍ ലോറിയില്‍ ഇടിക്കുകയായിരുന്നു.
ശനിയാഴ്ച്ച ശനിയാഴ്ച പകല്‍ മൂന്നിന് ചേര്‍പ്പുങ്കലിനും കുമ്മണ്ണൂരിനും മധ്യേയാണ് അപകടം നടന്നത്.  
പാലാ ഭാഗത്തേക്ക് വരികയായിരുന്ന കാറാണ് അപകടത്തിന് കാരണമായത്. ചേര്‍ത്തലയില്‍നിന്നുള്ള വിവാഹസംഘവുമായി ഈരാറ്റുപേട്ട ഭാഗത്തുനിന്ന് പോയ ടെമ്പോട്രാവലറിലെയും കാര്‍ യാത്രക്കാരും ഉള്‍പ്പെടെയുള്ളവര്‍ക്കാണ് പരുക്കേറ്റത്. ഇവരെ കിടങ്ങൂര്‍, തെള്ളകം എന്നിവിടങ്ങളിലെ സ്വകാര്യ ആശുപത്രിയില്‍ പ്രവേശിപ്പിച്ചു.
അപകടത്തെ തുടര്‍ന്ന് മറിഞ്ഞ വാഹനത്തില്‍നിന്ന് റോഡില്‍ ഒഴുകി പരന്ന ഡീസലും ഓയിലും പാലായില്‍നിന്ന് എത്തിയ ഫയര്‍ഫോഴ്‌സ് അധികൃതര്‍ കഴുകിയശേഷമാണ് ഗതാഗതം പുനസ്ഥാപിച്ചത്.
അപകടത്തേുടര്‍ന്ന് സംസ്ഥാനപാതയില്‍ ചേര്‍പ്പുങ്കല്‍ ഭാഗത്ത് ഒരു മണിക്കൂറോളം ഗതാഗതം തടസപ്പെട്ടിരുന്നു.