കുറ്റ്യാടി: കനത്ത കാറ്റിലും മഴയിലും കുറ്റ്യാടി മേഖലയില്‍ വ്യാപക നാശനഷ്ടം. കുറ്റ്യാടി പഞ്ചായത്തിലെ മീത്തലെ വടയത്ത് അഞ്ഞൂറോളം വാഴകള്‍ നിലംപൊത്തി. കേളംകണ്ടി അനിലിന്റെ കുലച്ച നൂറോളം വാഴകളും പാറ ബാലന്റെ നൂറു വാഴകളും കുനിയില്‍ കൃഷ്ണന്റെ നേതൃത്വത്തില്‍ സംഘകൃഷി ചെയ്ത 150ഓളം വാഴകളും പൂര്‍ണമായും നശിച്ചു.
തെങ്ങ് കടപുഴകി വീണ് വൈദ്യുതി തൂണ്‍ തകര്‍ന്നു. ശക്തമായ മിന്നലില്‍ കൂരാറ താമസിക്കുന്ന തെക്ക്യേടത്ത് നാണുവിന്റെ വീടിന്റെ ചുമരില്‍ വിള്ളലുണ്ടായി. ഇലക്ട്രിക് വയറിങ്ങുകളും വൈദ്യുത ഉപകരണങ്ങളും തകര്‍ന്നിട്ടുണ്ട്. വീടിനോട് ചേര്‍ന്ന ശുചിമുറിയും ഇടിഞ്ഞു വീണു.  സംഭവത്തില്‍ ലക്ഷങ്ങളുടെ നഷ്ടം കണക്കാക്കുന്നു.