തിരൂരങ്ങാടി: മൂന്നിയൂര്‍ കളിയാട്ട ഉത്സവത്തിന് വില്‍പ്പനയ്ക്കായി കൊണ്ടുവന്ന നാലുലിറ്റര്‍ വിദേശമദ്യവുമായി മധ്യവയസ്‌കനെ തിരൂരങ്ങാടി പൊലിസ് അറസ്റ്റ് ചെയ്തു.  
തൃക്കുളം പന്താരങ്ങാടി മേലേപറമ്പില്‍ കുമാരന്‍ (60) ആണ് പിടിയിലായത്. ഇന്നലെ ഉച്ചയ്ക്ക് 12 മണിക്കാണ് സംഭവം. തുണിസഞ്ചിയില്‍ വില്‍പനയ്ക്കായി കൊണ്ടുപോകവേ കരിപ്പറമ്പില്‍  വെച്ച് എസ്.ഐ വിശ്വനാഥന്‍ കാരയിലും സംഘവും പിടികൂടുകയായിരുന്നു. ഒരു ലിറ്ററിന്റെ ഒരു ബോട്ടിലിലും, അഞ്ഞൂറ് മില്ലിലിറ്ററിന്റെ ആറ് ബോട്ടിലുകളിലുമായിരുന്നു മദ്യം.  കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.