തിരുവനന്തപുരം: തൊഴില്‍ നൈപുണ്യ വികസന പദ്ധതിയായ അഡിഷണല്‍ സ്‌കില്‍ അക്വിസിഷന്‍ പ്രോഗ്രാമിന്റെ (അസാപ്) ഭാഗമായി എ.ഡി.ബിയുടെ സഹായത്തോടെ നടത്തിയ തൊഴില്‍ പരിശീലനത്തിന് സര്‍ക്കാര്‍ ഇതുവരെ ചെലവഴിച്ചത് 365 കോടി രൂപ. പക്ഷേ, പരിശീലനം പൂര്‍ത്തിയാക്കി ജോലിനേടിയത് 504 പേര്‍ മാത്രം. 2012ല്‍ യു.ഡി.എഫ് സര്‍ക്കാരിന്റെ കാലത്താണ് പദ്ധതി ആരംഭിച്ചത്. ഹയര്‍സെക്കന്‍ഡറി, കോളജ് വിദ്യാര്‍ഥികള്‍ക്ക് തൊഴില്‍ പ്രാവീണ്യം നല്‍കുന്നതിന് സംസ്ഥാന പൊതുവിദ്യാഭ്യാസ വകുപ്പും ഉന്നത വിദ്യാഭ്യാസ വകുപ്പും ചേര്‍ന്നാണ് അസാപ് പദ്ധതി ആവിഷ്‌കരിച്ചത്. 100 മില്യണ്‍ ഡോളറാണ് എ.ഡി.ബി വായ്പയായി അനുവദിച്ചത്.
അസാപിന്റെ പ്രവര്‍ത്തനങ്ങള്‍ സംബന്ധിച്ച വിവരാവകാശ രേഖയിലാണ് 365 കോടി രൂപ 2017-18 വര്‍ഷം വരെ സംസ്ഥാനം വിനിയോഗിച്ചതായി വെളിപ്പെടുത്തിയത്. 2017-18 വര്‍ഷം വരെ 1,54,844 വിദ്യാര്‍ഥികള്‍ അസാപ് വഴി തൊഴില്‍ പരിശീലനം നേടി. പതിനഞ്ചോളം തൊഴില്‍ വിഭാഗങ്ങളിലായിരുന്നു പരിശീല