ചണ്ഡീഗഢ്:  പഞ്ചാബ് മുഖ്യമന്ത്രി അമരീന്ദര്‍ സിങ്ങിന്റേതെന്ന രീതിയില്‍ പ്രചരിച്ച വ്യാജ വീഡിയോ സംന്ധിച്ച് പൊലിസ് അന്വേഷണം ആരംഭിച്ചു. ഉന്മത്തനായ രീതിയില്‍ അമരീന്ദര്‍ സിങ്ങിനെ കാണിക്കുന്നതാണ് വീഡിയോ. ഇത്  സാമൂഹിക മാധ്യമങ്ങളില്‍ വൈറലായിരുന്നു. സാമൂഹി മാധ്യമങ്ങളില്‍ നിന്ന് വീഡിയോ നീക്കം ചെയ്യുമെന്ന് പൊലിസ് അറിയിച്ചു.

ഹര്‍ഷ് സോഫറ്റ് (@harshsofat9) എന്ന വ്യാജ അക്കൗണ്ടില്‍ നിന്നാണ് വീഡിയോ അപ്‌ലോഡ് ചെയ്തതെന്ന് പൊലിസ് പ്രാഥമികാന്വേഷണത്തില്‍ കണ്ടെത്തിയിട്ടുണ്ട്.  മുഖ്യമന്ത്രിയെ  അപമാനിക്കുന്നതിനായി മനപ്പൂര്‍വം നിര്‍മിച്ചതാണ് വീഡിയോയെന്നത് വ്യക്തമാണെന്ന് പൊലിസ് പറഞ്ഞു.

ചൈനീസ് ആപ്പായ ടിക് ടോക് ഉപയോഗിച്ചാണ് വീഡിയോ തയ്യാറാക്കിയിരിക്കുന്നതെന്ന് സൈബര്‍ സെല്‍ കണ്ടെത്തിയിട്ടുണ്ട്. യൂത്ത് ഗ്രൂപ്പ് നഭസ് എന്ന പേരിലുള്ള വാട്‌സ്ആപ്പ് ഗ്രൂപ്പിലാണ് വീഡിയോ ആദ്യം പ്രചരിച്ചത്. പിന്നീട് ഫേസ് ബുക്കില്‍ പ്രചരിക്കുകയായിരുന്നു.