ബന്തടുക്ക: അങ്കണവാടിയില്‍ നിന്നു കുട്ടിയെ കൂട്ടി വീട്ടിലേക്കു പോവുകയായിരുന്ന യുവതിയെ തെരുവുനായ അക്രമിച്ചു. ബന്തടുക്ക പാലാറിലെ നാരായണന്റെ മകള്‍ ബിന്ദുവിനെ(35)യാണ് നായ ആക്രമിച്ചത്. കഴിഞ്ഞ ദിവസം വൈകുന്നേരമാണ് സംഭവം.
ബന്തടുക്ക മൊട്ട അങ്കണവാടിയില്‍ നിന്നു കുട്ടിയെയും കൂട്ടി വീട്ടിലേക്കു പോവുകയായിരുന്നു യുവതി. മാണിമൂല എല്‍.പി സ്‌കൂളിനടുത്തെത്തിയപ്പോള്‍ പിറകെയെത്തിയ തെരുവുനായ ബിന്ദുവിനെ അക്രമിക്കുകയായിരുന്നു. നായയുടെ അക്രമം കണ്ട കുട്ടി തൊട്ടടുത്ത വീട്ടിലേക്ക് ഓടികയറിയതിനാല്‍ നായയുടെ അക്രമത്തില്‍ നിന്നു രക്ഷപ്പെട്ടു. തെരുവുനായയുടെ അക്രമണത്തില്‍ നിലത്തു വീണ യുവതിയുടെ കാലിലും ദേഹത്തും നായ കടിച്ചു. ബിന്ദുവിന്റെ കാലില്‍ നിന്നു മാംസക്കഷണം കടിച്ചെടുത്ത ശേഷം നായ ഓടിമറഞ്ഞു.യുവതിയെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.