ഇസ്താംബുള്‍: തുര്‍ക്കിയില്‍ സന്ദര്‍ശനം നടത്തുന്ന ഇന്ത്യന്‍ ഫുട്‌ബോള്‍ ടീമിന്റെ അണ്ടര്‍ 19 താരങ്ങള്‍ക്ക് പരുക്ക്. കേബിള്‍ കാര്‍ അപകടത്തില്‍ പെട്ട് രോഹിത് ദാനു, മനീഷ് ചൗധരി എന്നിവര്‍ക്കാണ് പരുക്കേറ്റത്. കഴിഞ്ഞ ദിവസം ടീമിന്റെ പരിശീലന മത്സരത്തില്‍ താരങ്ങള്‍ കളിച്ചിരുന്നില്ല.

തുടര്‍ന്ന് അവധി സമയം ചിലവഴിക്കാന്‍ പുറത്തുപോയ സമയത്താണ് അപകടം സംഭവിച്ചത്. രണ്ടു താരങ്ങളും കയറിയ കേബിള്‍ കാര്‍ പ്രവര്‍ത്തനം നിലക്കുകയും തുടര്‍ന്ന് അതില്‍ നിന്ന് ഇവര്‍ പുറത്തേക്ക് ചാടിയതുമാണ് അപകടത്തിന് കാരണം. മനീഷിന്റെ വാരിയെല്ലിനും കാലിനും പൊട്ടലുണ്ട്. രോഹിത് ധാനുവിന്റെ കാല്‍മുട്ടിനാണ് പരുക്കേറ്റിട്ടുള്ളത്.