ജിദ്ദ: റിയാദിലെ ബത്ഹ ശാറാറെയിലിലെ റെസ്‌റ്റോറന്റില്‍ ജോലി ചെയ്യുന്ന മലയാളിയെ ആഫ്രിക്കന്‍ പൗരന്‍മാര്‍ ആക്രമിച്ച് പണം കവര്‍ന്നു. അല്‍ഖുദ്‌സ് റെസ്‌റ്റോറന്റില്‍ ജോലി ചെയ്യുന്ന കാസര്‍കോട് സ്വദേശി അബ്ദുല്‍ ഹമീദിനെയാണ് കഴുത്തില്‍ കത്തിവെച്ച് ഭീഷണിപ്പെടുത്തി പണം കവര്‍ന്നത്.

കഴിഞ്ഞ ദിവസം ആറു മണിക്ക് റൂമില്‍ നിന്ന് ഡ്യുട്ടിക്കായി വരുമ്പോഴായിരുന്നു സംഭവം. സണ്‍സിറ്റി സൂപ്പര്‍മാര്‍ക്കറ്റിന് പിന്‍വശത്ത ഇടവഴിയില്‍ രണ്ടു ആഫ്രിക്കന്‍ വംശജര്‍ ഇദ്ദേഹത്തെ തടഞ്ഞുനിര്‍ത്തി കഴുത്തില്‍ വലിയ കത്തി വെച്ച് പണം ആവശ്യപ്പെടുകയായിരുന്നു.

പോക്കറ്റിലുണ്ടായിരുന്ന പണം എടുത്ത് കൊടുത്തിട്ടും അക്രമികള്‍ പിന്‍മാറിയില്ല. ഒരാള്‍ കഴുത്തില്‍ കത്തിവെച്ചിരിക്കുകയും മറ്റെയാള്‍ പോക്കറ്റുകള്‍ പരിശോധിക്കുകയുമായിരുന്നു. ബഹളം വെച്ചെങ്കിലും രക്ഷയുണ്ടായില്ല. പ്രതിരോധത്തിനിടെ അക്രമികളുടെ പിടിവിട്ടപ്പോള്‍ ഓടി രക്ഷപ്പെടുന്നതിനിടെ വഴിയില്‍ വീണ് അബ്ദുല്‍ ഹമീന്റെ കൈയ്‌കേകും കാലിനും പരിക്കേറ്റു.