മുബൈ: ബി.സി.സി.ഐ സി.ഇ.ഒ രാഹുല്‍ ജോഹ്‌രിക്കെതിരേ 'മീ റ്റൂ' വെളിപ്പെടുത്തലുമായി മാധ്യമ പ്രവര്‍ത്തക രംഗത്ത്. ജോലിയുടെ ഭാഗമായി ഇരുവരും കണ്ടുമുട്ടിയപ്പോള്‍ ജോഹ്‌രി തന്നോട് അപമര്യാദയായി പെരുമാറുകയായിരുന്നുവെന്നാണ് യുവതിയുടെ വെളിപ്പെടുത്തല്‍. പെടസ്ട്രയന്‍ പോയറ്റ് എന്ന ട്വിറ്റര്‍ അക്കൗണ്ടിലൂടെയാണ് ജോഹ്‌രിക്കെതിരേ യുവതി ആരോപണമുന്നയിച്ചത്. ഇത്തരത്തില്‍ ഒരു വ്യക്തിക്കെതിരേ ലൈംഗിക ആരോപണം ഉയര്‍ന്നത് ബി.സി.സി.ഐയെ പ്രതിരോധത്തിലാക്കും. അതേസമയം, സംഭവത്തില്‍ ജോഹ്‌രി ഇതുവരെ പ്രതികരിച്ചിട്ടില്ല. നേരത്തെ ക്രിക്കറ്റ് താരങ്ങളായ അര്‍ജുന രണതുംഗ, ലസിത് മലിംഗ എന്നിവര്‍ക്കെതിരേ ലൈംഗിക ആരോപണം ഉയര്‍ന്നിരുന്നു.