സാന്‍ ഫ്രാന്‍സിസ്‌കോ: ചൈനയിലേക്കുള്ള സെര്‍ച്ച് എന്‍ജിന്‍ നിര്‍മിക്കുന്നതുമായി ബന്ധപ്പെട്ടുള്ള വിവാദത്തിനിടെ പ്രതികരണവുമായി ഗൂഗിള്‍ സി.ഇ.ഒ സുന്ദര്‍ പിച്ചൈ. ചൈനയില്‍ എന്ത് ചെയ്യുമെന്ന് ഗൂഗിള്‍ പരിശോധിക്കുകയാണ്. പുതിയ സെര്‍ച്ച് എന്‍ജിന്‍ ആദ്യഘട്ടത്തിലാണെന്നും ഒരു പക്ഷെ മുന്നോട്ടേക്കുള്ള നീക്കം പ്രതിസന്ധിയിലായേക്കാമെന്നും സുന്ദര്‍ പിച്ചൈ പറഞ്ഞു. ചൈനയില്‍ ഇത് സാധിക്കുമോയെന്ന് അറിയില്ല. എന്നാല്‍ ചൈനയിലെ മാര്‍ക്കറ്റുകള്‍ തങ്ങള്‍ക്ക് പ്രധാനപ്പെട്ടതാണെന്നും അദ്ദേഹം പറഞ്ഞു.