ചക്കരക്കല്‍: പൊതുവാച്ചേരി ആരോഗ്യകേന്ദ്രത്തിന്റെ തകര്‍ന്നുവീണ മതില്‍ പുതുക്കി പണിയാന്‍ നടപടിയില്ല.
വര്‍ഷങ്ങള്‍ക്കു മുന്‍പാണ് മതില്‍ തകര്‍ന്ന് വീണത്. പ്രധാന ഗെയിറ്റിന് സമീപം 25 മീറ്ററിലധികം നീളത്തില്‍ മതില്‍ തകര്‍ന്നു വീണ നിലയിലാണ്. കുന്നിന്‍ മുകളില്‍ സ്ഥിതി ചെയ്യുന്ന ആരോഗ്യകേന്ദ്രത്തിന്റെ സുരക്ഷയ്ക്ക് കൂടിയാണ് കരിങ്കല്ല് ഉപയോഗിച്ച് മതില്‍ പണിതത്. ഇരിവേരി, പെരളശേരി, തന്നട, ചെമ്പിലോട്, പെരളശേരി തുടങ്ങയിസ്ഥലങ്ങളില്‍ നിന്നും ഇവിടേക്ക് രോഗികളെത്തുന്നുണ്ട്. തകര്‍ന്നുവീണ മതില്‍ പുനര്‍നിര്‍മ്മിക്കാന്‍ നടപടി വേണമെന്നാണ് പ്രദേശത്തുകാരുടെ ആവശ്യം.