കൊച്ചി: കേരളാ ബാര്‍ കൗണ്‍സില്‍ അഭിഭാഷക ട്രസ്റ്റിന്റെ അധ്യക്ഷനായ അഡ്വക്കറ്റ് ജനറല്‍ ടി.പി സുധാകരപ്രസാദിന്റെ പ്രവര്‍ത്തനത്തിനു കേന്ദ്ര ബാര്‍ കൗണ്‍സില്‍ ഏര്‍പ്പെടുത്തിയ വിലക്ക് ഹൈക്കോടതി സ്റ്റേ ചെയ്തു. ബാര്‍ കൗണ്‍സില്‍ കാലാവധി കഴിഞ്ഞതിനാല്‍ അഡ്വക്കറ്റ് ജനറല്‍ അധ്യക്ഷനായ പ്രത്യേക കമ്മിറ്റി ചുമതലയേറ്റതു നിയമപ്രകാരമാണെന്ന് എ.ജി കോടതിയില്‍ വ്യക്തമാക്കി. ക്ഷേമനിധിയിലെ ഓഡിറ്റിങ്ങില്‍ അപാകതയുണ്ടെന്നു കണ്ടെത്തിയതിനെ തുടര്‍ന്നായിരുന്നു അഡ്വക്കറ്റ് ജനറലിനു ബാര്‍ കൗണ്‍സില്‍ വിലക്കേര്‍പ്പെടുത്തിയിരുന്നത്.