കോഴിക്കോട്: നവംബര്‍ മൂന്നിന് വളാഞ്ചേരി ഫത്ഹുല്‍ ഫത്താഫ് ശംസുല്‍ ഉലമ നഗറില്‍ നടക്കുന്ന സമസ്ത കേരള ജംഇയ്യത്തുല്‍ മുദരിസീന്‍ സംസ്ഥാന സംഗമം വിജയിപ്പിക്കണമെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ആഹ്വാനം ചെയ്തു.
ദര്‍സ്, ശരീഅത്ത് കോളജുകളുടെ വ്യവസ്ഥാപിതമായ നടത്തിപ്പിനും പഠനരംഗം ശാസ്ത്രീയമായി സംവിധാനിക്കുന്നതിനുമാണ് സമസ്ത കേരള ജംഇയ്യത്തുല്‍ ഉലമായുടെ കീഴില്‍ ജംഇയ്യത്തുല്‍ മുദരിസീന് രൂപം നല്‍കിയത്.
ദര്‍സ്, അറബിക് കോളജ്, സമന്വയ സ്ഥാപനങ്ങള്‍ എന്നിവയിലെ മുദരിസുമാര്‍ സജീവമായി പങ്കെടുക്കണം. മാനേജ്‌മെന്റ് ഭാരവാഹികള്‍ എല്ലാവിധ പിന്തുണയും നല്‍കണമെന്നും പ്രധാന ഭാരവാഹികള്‍ സംബന്ധിക്കണമെന്നും തങ്ങള്‍ അഭ്യര്‍ഥിച്ചു.