ഭോപ്പാല്‍: തെരഞ്ഞെടുപ്പ് പ്രചാരണം ശക്തമായിരിക്കെ ബി.ജെ.പിയെ ഞെട്ടിച്ച് എം.എല്‍.എ അടക്കം മൂന്ന് പ്രമുഖ നേതാക്കള്‍ കോണ്‍ഗ്രസില്‍ ചേര്‍ന്നു.
എം.എല്‍.എ സഞ്ജയ് ശര്‍മ, മുന്‍ എം.എല്‍.എ കമലാപത് ആര്യ, അഖില ഭാരതീയ കിരാര്‍ സമാജ് നേതാവ് ഗുലാബ് സിങ് കിരാര്‍ എന്നിവരാണ് ഇന്നലെ നാടകീയമായി കോണ്‍ഗ്രസില്‍ ചേര്‍ന്നത്. സംസ്ഥാന കോണ്‍ഗ്രസ് വക്താവ് ദുര്‍ഗേശ് ശര്‍മയാണ് ഇവരുടെ പാര്‍ട്ടി പ്രവേശനം സംബന്ധിച്ച വിവരം വെളിപ്പെടുത്തിയത്. ഇന്നലെ രാഹുല്‍ ഗാന്ധിയുടെ ഇന്‍ഡോര്‍ സന്ദര്‍ശനത്തിനിടയിലാണ് ഇവര്‍ പാര്‍ട്ടിയിലേക്ക് വന്നതെന്നും ദുര്‍ഗേശ് ശര്‍മ അറിയിച്ചു.