റിയാദ്: രാജ്യത്തെ യുവതീ യുവാക്കൾക്ക് തൊഴിൽ നേടിക്കൊടുക്കുന്ന സഊദി വൽക്കരണ പദ്ധതി വൻ  വിജയമാകുന്നതായി കണക്കുകൾ. സ്വകാര്യ മേഖലയിലെ സഊദി വൽക്കരണ തോത് ഇരുപത് ശതമാനമായി ഉയർന്നതായാണ് ഏറ്റവും ഒടുവിലെ റിപ്പോർട്ടുകൾ.

 

ജനറൽ ഓർഗനൈസേഷൻ ഫോർ സോഷ്യൽ ഇൻഷുറൻസ് (ഗോസി) കണക്കുകൾ പ്രകാരം നാല് വർഷത്തിനിടെയുള്ള ഏറ്റവും ഉയർന്ന നിരക്കാണിത്. അഞ്ചാംവർഷവും ഇത് വർധിച്ചു വരുന്നതായാണ് കണക്കുകൾ. കഴിഞ്ഞ വർഷം മൂന്നാം പാദത്തെ അപേക്ഷിച്ച് ഈ വർഷം മൂന്നാം പാദത്തിൽ സൗദി ജീവനക്കാരുടെ എണ്ണത്തിൽ 1.9 ശതമാനം വർധന രേഖപ്പെടുത്തി.