ദമാം: കിഴക്കന്‍ പ്രവിശ്യയിലെ പ്രമുഖ കാല്‍പന്ത് കൂട്ടായ്മയായ 'കെപ്വ' ഫുട്‌ബോള്‍ ക്ലബ്ബിന് പുതിയ നേതൃത്വം . പുതിയ ഭാരവാഹികളായി ജൗഹര്‍ കുനിയില്‍(പ്രസിഡണ്ട്), ലിയാഖത്തലി കാരങ്ങാടന്‍ (ജനറല്‍ സെക്രട്ടറി), അജ്മല്‍ കൊളക്കാടന്‍ (ട്രഷറര്‍) എന്നിവരെ തെരഞ്ഞെടുത്തു.

നസീര്‍ ചേലേമ്പ്ര, റിയാസ്, (വൈസ് പ്രസിഡണ്ട്), അനസ് മുക്കം, ഖമറുദ്ദീന്‍, (ജോയിന്റ് സെക്രട്ടറി), അനസ് മങ്കട (മാനേജര്‍), ജസീര്‍ പട്ടാമ്പി (ക്യാപ്റ്റന്‍), ഷമീം റബീഹ് (വൈസ് ക്യാപ്റ്റന്‍), ഷബീര്‍ കെ കെ (കോച്ച്) മന്‍സൂര്‍, അന്‍വര്‍ നാണി (അസി:കോച്ച്), അന്‍വര്‍ കാരണത്ത് ജുബൈല്‍, സിറാജ് റഹീമ, ഷമീര്‍ എം ടി, ആഷിക് (കോര്‍ഡിനേറ്റര്‍) എന്നിവരാണ് മറ്റ് ഭാരവാഹികള്‍. വഹീദ് കെ.സി, ഷംസ് പീര്‍ എം.കെ., ഷമീം കെ.എം, അസ്ലം കൊളക്കാടന്‍ എന്നിവരാണ് രക്ഷാധികാരികള്‍.

ദമാമില്‍ വെച്ച് നടന്ന വാര്‍ഷിക ജനറല്‍ ബോഡി യോഗം വഹീദ് കെ.സി ഉല്‍ഘാടനം ചെയ്തു. ജൗഹര്‍ കുനിയില്‍ അധ്യക്ഷനായിരുന്നു. അനസ് മങ്കട, ഷമീം റബീഹ്, ഷബീര്‍ കെ.കെ, അന്‍വര്‍ നാണി, റിയാസ്, ജസീര്‍ പട്ടാമ്പി, മുബഷിര്‍, ഷഹീന്‍, തുടങ്ങിയവര്‍ സംസാരിച്ചു. ലിയാഖത്തലി കാരങ്ങാടന്‍ സ്വാഗതവും, ട്രഷറര്‍ അജ്മല്‍ കെ.കെ. നന്ദിയും പറഞ്ഞു.