കാളികാവ്: പ്രകൃതി സംരക്ഷണ പാഠം വിദ്യാര്‍ഥികള്‍ക്ക് പകര്‍ന്ന് ജൈവ വൈവിധ്യരഥം പുല്ലങ്കോട് ജി.എം.എല്‍.പി സ്‌കൂളിലെത്തി. തിരുവനന്തപുരത്ത് നിന്ന് പ്രയാണം ആരംഭിച്ച രഥം വിവിധ സ്‌കൂളുകളില്‍ പ്രദര്‍ശനം നടത്തി.
കാസര്‍കോട്ടാണ് സമാപനം. സംസ്ഥാന ജൈവവൈവിധ്യ ബോര്‍ഡും കെ.എസ്.ആര്‍.ടി.സിയും സംയുക്തമായാണ് രഥം  ഒരിക്കിയിട്ടുള്ളത്. കുട്ടികളില്‍ ജൈവവൈവിധ്യ സന്ദേശം പകര്‍ന്നുനല്‍കി അതുവഴി പരിസ്ഥിതി  സംരക്ഷണത്തിനും പ്രകൃതിസംരക്ഷണത്തിനും അവബോധമുണ്ടാക്കുക എന്ന ലക്ഷ്യത്തോടെയാണ് സഞ്ചരിക്കുന്ന പ്രദര്‍ശന ശാലയുടെ ഒരുക്കിയത്. ചോക്കാട് ഗ്രാമപഞ്ചായത്ത് പ്രസിഡന്റ് ഷാഹിന ഗഫൂര്‍ പ്രദര്‍ശനോദ്ഘാടനം നിര്‍വഹിച്ചു. ചോക്കാട്  ഗ്രാമ പഞ്ചായത്തംഗങ്ങളായ കെ.എസ് അന്‍വര്‍, മുപ്ര ഷറഫുദ്ദീന്‍, ബേബി ലത, കൃഷി ഓഫിസര്‍ കെ.വി  ശ്രീജ സംസാരിച്ചു.