ചെറുതുരുത്തി: നാടാകെ പകര്‍ച്ച വ്യാധികള്‍ പടര്‍ന്ന് പിടിയ്ക്കുകയും കേരളം പനി കിടക്കയിലേക്ക് മാറുകയും  ചെയ്യുമ്പോള്‍ അതിനെ പ്രതിരോധിക്കാനുള്ള ശുചീകരണ യജ്ഞത്തില്‍ കലാമണ്ഡലം കല്‍പ്പിത സര്‍വകലാശാല എന്‍.എസ്.എസ് യൂനിറ്റിന്റെ നേതൃത്വത്തില്‍ ചെറുതുരുത്തി നഗര ഹൃദയം ശുചീകരിച്ചു.
 വള്ളത്തോള്‍ നഗര്‍ പഞ്ചായത്ത് വൈസ് പ്രസിഡന്റ് എം സുലൈമാന്‍ ഉദ്ഘാടനം ചെയ്തു. സ്ഥിരം സമിതി അധ്യക്ഷ അജിത രവികുമാര്‍, കെ.ആര്‍ ഗിരീഷ്, എസ് ഗോപകുമാര്‍ നേതൃത്വം നല്‍കി.
ഡി.വൈ.എഫ്.ഐ  തൃശൂര്‍ ജില്ലാ കമ്മിറ്റിയുടെ നേതൃത്വത്തില്‍ മുളങ്കുന്നത്ത് കാവ് മെഡിക്കല്‍ കോളജ് കോമ്പൗണ്ട് ശുചീകരിച്ചു. സുപ്രണ്ട് ഡോ. എ നിസാറുദ്ധീന്‍  ഉദ്ഘാടനം ചെയ്തു.
 ജില്ലാ സെക്രട്ടറി പി.ബി അനൂപ്, കെ.വി രാജേഷ്, കെ.കെ മുബാറക്, കെ.എസ് സുഭാഷ്, ഇ.എ ജയതിലകന്‍, എം.ജെ ബിനോയ്, എസ് ഉണ്ണികൃഷ്ണന്‍, കെ.എച്ച് സുല്‍ത്താന്‍, സി.ആര്‍ കാര്‍ത്തിക നേതൃത്വം  നല്‍കി.